Башкы мэрдин орун басары Рамиз Алиев экскурсияны өткөрүп, конокторду калдыктарды кайра иштетүү жана электр энергиясын өндүрүү боюнча заманбап технологиялар менен тааныштырды.
Делегаттар заводдогу процесстер менен, анын ичинде таштандыны кайра иштетүү технологиялык циклы, экологиялык коопсуздук системалары жана өндүрүштө колдонулган инновациялык чечимдер менен таанышууга мүмкүнчүлүк алышты. Ошондой эле катышуучуларга заводдун долбоордук кубаттуулугу, калдыктарды жок кылуу механизмдери жана ТБОду кайра иштетүү учурунда өндүрүлүүчү электр энергиясынын көлөмү тууралуу кенен маалымат берилди.
Ортолук Азиядагы биринчи экотехнологиялык заводдун ишке кириши калдыктар маселелерин чечүү жана Бишкектеги экологиялык абалды жакшыртуу боюнча маанилүү кадам болуп саналат.
Бул долбоорго болгон жалпы инвестициялар 95 миллион долларга жетти. Ал жылына 365 миң тонна калдыктарды кайра иштетүүнү жана 30 мегаватт кубаттуулуктагы конденсациялык турбогенератордук электр станциясын ишке киргизүүнү камтыйт.
Учурда завод күнүнө 1000 тонна калдыктарды кайра иштетүүгө жөндөмдүү, келечекте кубаттуулуктарды этап-этабы менен жогорулатуу пландары бар.
