Каттамдардын токтотулушунун себеби Ирандагы учурдагы кырдаалды эске алып, коопсуздукту камсыздоо зарылдыгы жана авиакомпаниялардын расписаниесиндеги өзгөрүүлөр.
Каттамдары токтотулган жүргүнчүлөргө авиакомпанияларга же билет сатып алынган жерлерге кайрылып, акча кайтаруу же учуу датасын өзгөртүү боюнча көбүрөөк маалымат алуу сунушталат.
Мындан тышкары, Бишкектен Дубай, Шарджа жана Джидда сыяктуу шаарларга каттамдар да мурда токтотулгандыгын белгилөө керек.
Маалыматка ылайык, 28-февралда Кувейттин эл аралык аэропортунда дрон менен байланышкан окуя болуп, анын натыйжасында бир нече кызматкер жаракат алган. Кырдаалдын начарлашы менен Kuwait Airways бардык каттамдарын токтотту.
