Учурда Кыргыз Республикасынын Тышкы иштер министрлиги Перс булуңундагы мамлекеттерде жүргөн жарандардын арасында эч кимдин жабыркабаганын билдирүүдө. Бул тууралуу Консулдук департаменттин директору Сейтек Жумакадыр уулу маалымдады.
Ал консулдук кызматкерлер Кыргызстандыктарды чыгаруу үчүн мейманканалар менен активдүү кызматташып жатканын кошумчалады. Абу-Даби шаарында абал туруктуу, кыргызстандыктар аз, ошондуктан чыгаруу маселеси жок.
"Катарда учурда 800дөй кыргызстандык бар, алар ошол жерде калып калган, ал эми Бириккен Араб Эмирлигинде — болжол менен 1000," - деди ал.Сейтек Жумакадыр уулу Дубайдагы консулдар түнкү убакта да иштеп, пайда болгон маселелерди тез арада чечүүгө аракет кылып жатканын белгиледи. Сауд Арабиясында кыргызстандыктардын көбү умра үчүн келген зыяратчылар.
Учурда негизги кыйынчылыктар Дубайда жана Катарда гана байкалууда.
Тышкы иштер министрлиги жарандарды расмий сунуштарды аткарып, консулдук кызматтар менен байланышта болууга чакырат.
