Түркиянын борбору Анкарада Кыргыз Республикасынын Ички иштер министрлигинин өкүлү Манас Аманбаев кыргыз студенттери менен жолугушуу өткөрдү. Бул тууралуу Ички иштер министрлигинин басма сөз кызматы билдирет.
Иш-чаранын жүрүшүндө миграция мыйзамдарын сактоо, укук бузуулар жана мыйзамсыз иш-аракеттерге тартылуу менен байланышкан тобокелдиктер тууралуу маселелер талкууланды. Студенттерге өлкөдө жүргөн мыйзамдарды катуу сактоо жана жеке коопсуздуктун маанилүүлүгү боюнча сунуштар берилди.
Ошондой эле жолугушуунун катышуучулары кызыктырган темалар боюнча суроолорду берүү мүмкүнчүлүгүнө ээ болушту. Иш-чаранын аягында «Кара-Кыргыз» тарыхый-драмалык фильми көрсөтүлдү. ```
