Иш-чаранын алкагында Кыргыз Республикасынын улуттук стендинин салтанаттуу ачылышы болду.
Көргөзмөдөгү стендди уюштуруу Экономика жана соода министрлигинин Туризм департаменти тарабынан Кыргыз Республикасынын Туризмди өнүктүрүү фондунун колдоосу менен Германиядагы Кыргызстандын элчилиги менен биргеликте жүргүзүлдү. Стендде 11 туристтик компания, 4 багыт жана Кыргыз туристтик операторлор ассоциациясы (КАТО) катышууда. Көргөзмөнүн программасында B2B жолугушуулар, Кыргызстандын туристтик мүмкүнчүлүктөрүн сунуштоо, ошондой эле келе жаткан Көчмөндөрдүн дүйнөлүк оюндары жана Чингиз Айтматовдун атындагы эл аралык Ысык-Көл форумуна арналган иш-чаралар пландалган, — деп айтылат билдирүүдө.
Кыргызстандын ITB Берлин 2026 көргөзмөсүнө катышуусунун максаты улуттук туристтик продуктуну илгерилетүү, эл аралык байланыштарды кеңейтүү жана өлкөнүн дүйнөлүк туристтик рыноктогу позицияларын бекемдөө болуп саналат.
