5-мартта саат 13:30да Бишкек мамлекеттик университетинде К. Карасаев атындагы жаштар форуму «Ак калпак - кыргыздын мурасы» деген аталышта өтөт.
Маданият министрлигинин билдирүүсүндө форумдун негизги максаты ак калпактын тарыхый-руханий маанисин даңазалоо, улуттук кийимдердин баалуулуктарын жайылтуу жана жаштар арасында улуттук аң-сезимди бекемдөө экендиги белгиленген.
Иш-чаранын катышуучуларынын арасында белгилүү коомдук ишмерлер Арслан Койчиев, Мелис Мураталиев, Кыяс Молдокасымов жана башкалар болот. Форум ошондой эле темалык докладдар жана маданий программа менен камсыздалат.
Уюштуруучулар катары Маданият, маалымат жана жаштар саясаты министрлиги, ошондой эле Кыргызстан жаштар кыймылы чыгышат.
