Бул чечим өлкөнүн азык-түлүк коопсуздугун камсыздоого багытталган.
Кабмин айыл чарба жаныбарларын, анын ичинде ири мүйүздүү малды, койлорду, эчкилерди жана аттарды Кыргызстандан тышка чыгарууга убактылуу тыюу салууну чечти. Бул тууралуу өкмөттүн маалымат кызматынан билдиришти.
Бул чечимди Кабминдин Төрагасы Адылбек Касымалиев кол койгон.
Тыюу алты ай бою күчүндө болот жана жогоруда аталган жаныбарларды чыгарууга тиешелүү, төмөнкү учурларды эске албаганда:
– өлкөнүн аймагынан транзит аркылуу;
– мелдештерге катышуу үчүн спорттук аттарды чыгаруу;
– аттарды чет өлкөлөргө, эл аралык уюмдарга же жеке адамдарга белекке берүү;
– Кыргыз Республикасында өстүрүлгөн жаныбарларды эсепке албаганда, мамлекеттик оператор — «Кыргыз Агрохолдинг» акционердик коомунун жардамы менен жандуу мал экспорттоо;
– аттарды аба транспорту менен чыгаруу.
Маалыматта айтылгандай, бул чечим азык-түлүк коопсуздугун камсыздоо жана азык-түлүк товарларынын бааларын рынокто стабилдештирүү максатында кабыл алынган.
сүрөт www
