Бул маанилүү программа 26-декабрда ololo Erkindik жайында өтүп, катышуучулардын документалдык долбоорлору боюнча алты айлык иш циклин жыйынтыктады. Режиссерлор өз иштерин продюсерлер жана киноиндустриянын эксперттери алдында сунушташты, идеядан инвестициялык пакетти түзүүгө чейин билим алышты.
Июлдан декабрга чейин Bishkek Documentary Lab программасы Кыргыз Республикасынын Президентинин 2022-жылдын 20-майындагы №159 жарлыгынын негизинде улуттук киноиндустрияны өнүктүрүүгө байланыштуу Кыргызстандын Улуттук киностудиясы "Кыргызфильм" тарабынан каржылык колдоо менен ишке ашырылды.
Долбоор "Кыргызфильм" жана Борбордук Азиядагы Америкалык университеттин өнөктөштүгү аркылуу мүмкүн болду.
