Визит учурунда министр мекемеде медициналык маалыматтарды электрондук башкаруу системасынын киргизилиши тууралуу маалымат алды. Бул система документацияны жүргүзүүгө, дайындоолорду жана дары-дармектерди көзөмөлдөөгө, ошондой эле дарылоо процессин координациялоого мүмкүндүк берет, бул дарыгерлерге бейтаптар тууралуу зарыл маалыматка жетүүнү кыйла жеңилдетет.
Министр клиникалык бөлүмдөрдү, анын ичинде кардиологиялык кызматты жана ангиографикалык операция бөлмөсүн көрүп, заманбап диагностикалык жана дарылоочу процедуралардын кандай өтүп жатканын байкады.
Орган трансплантациялоо программасына өзгөчө көңүл бурулду. 2023-жылдан баштап ооруканада түрк адистеринин катышуусунда бөйрөктү трансплантациялоо программасы ишке киргизилди. Азыркы учурда бул процедура үчүн тандалган 16 бейтапка бөйрөктү трансплантациялоо операциялары жүргүзүлдү.
Бейтаптарды кийинки операциялар этаптарына даярдоо медициналык мекемеде улантылууда.
Кеңешме учурунда трансплантациялык кызматты дагы өнүктүрүү пландары, анын ичинде бейтаптарды тандоо жана жакынкы операцияларды уюштуруу маселелери да каралды.
