«Биз кыргыз тараптын да ушундай эле көлөмдө бюджеттик орун бөлөөрүнө үмүттөнөбүз. Бул минимум 1000 студентке акысыз билим алууга мүмкүнчүлүк берет», — деп белгиледи Сергей Волков.
Учурда Жогорку Кенештин илим, билим берүү, инновациялык өнүгүү жана маалыматтык технологиялар, ошондой эле маданият, спорт жана жаштар иштери боюнча комитети КРСУнун жаңы кампусун куруу боюнча келишимди ратификациялоо долбоорун талкуулап жатат. Курулуш үчүн бөлүнгөн жердин аянты болжол менен 30 гектарды түзөт жана Чүй облусунун Аламедин районунун Байтик айылдык аймагында жайгашкан.
