«Милосердие» аттуу кайрымдуулук программасынын алкагында Бишкек шаарынын вице-мэри Виктория Мозгачева Жогорку Кеңештин депутаттары Гульнара Акимбаева жана Айбек Дунканбаевге социалдык мекемелерге экскурсия өткөрдү.
Мэриянын маалыматына ылайык, визиттин максаты - «Үмүт үйү» стационардык мекемесинде карыялар жана мүмкүнчүлүгү чектелген адамдардын жашоо шарттарын жана кам көрүүнүн уюштурулушун изилдөө.
«Айданек» реинтеграция борборунда балдардын жашоо шарттарына, реабилитациясына жана социалдык адаптациясына, ошондой эле коомго интеграциялоо жана өнүктүрүү үчүн ыңгайлуу чөйрөнү түзүүгө басым жасалды.
Мындан тышкары, депутаттар мекемелердин материалдык-техникалык базасы жана социалдык кызматтарды уюштуруу менен таанышышты.
Визиттин жыйынтыгы боюнча карыяларга, мүмкүнчүлүгү чектелген адамдарга жана кыйын жашоо шарттарында болгон балдарга системалуу колдоо көрсөтүүнүн зарылдыгы белгиленди. ```
