«Үмүт чырагы» жаңы балдар бакчасынын капсуласын салуу салтанатында өкмөт башчысынын орун басары Адылбек Касымалиев бул мекеме балдар үчүн да, ата-энелер үчүн да үмүт символу болоорун белгиледи.
Ал жаңы балдар бакчасында кичинекей тарбиялануучулардын комплексдүү өнүгүшү үчүн бардык зарыл шарттар каралганын айтты. Мекемеде гимнастика залдары, логопеддердин кабинеттери, ошондой эле уникалдуу контакттык зоопарк болот.
«Биз инклюзивдик принциптерди активдүү киргизип жатабыз, бир да бала коомдук жашоодон четте калбашы үчүн. Бул балдар бакчасы биздин балдарга болгон камкордугубуздун белгиси. «Үмүт чырагы»нын курулушу ата-энелер жана коом үчүн чоң кубаныч, анткени бул жерде майып балдар үчүн атайын шарттар түзүлгөн. Мен «Артвин Девелопмент» ЖЧКсына 4 миллион доллардан ашык инвестиция салып, бул долбоорду ишке ашырууга жардам бергенине ыраазымын. Рамазан айында курулуштун башталышы — гуманизм жана боорукердиктин чыныгы белгиси», — деп кошумчалады Касымалиев.
Бишкекте майып балдар үчүн «Үмүт чырагы» балдар бакчасынын фундаментине капсула салынды, ал заманбап 2 кабаттуу имарат болуп, 3 570 чарчы метр аянтты ээлеп, 250 баланы жайгаштыра алат.
