Бекитилген план боюнча төмөнкү долбоорлор каралган:
- «Жашыл Чүй»,
- «Таза Чүй»,
- «Заманбап Чүй»,
- «Чүй Инвестиция»,
- «Чүй Агро».
Санжар Жантаевдин айтымында, «Жашыл Чүй» долбоорунун алкагында экологияны жакшыртуу максатында 100 миң дарак отургузуу менен 33 иш-чара пландалууда.
«Таза Чүй» долбоору 46 иш-чараны камтыйт, анын жүрүшүндө 3 миңден ашык таштанды контейнерлерин жана маалымат такталарын орнотуу, ошондой эле калдыктарды кайра иштетүү үчүн эки завод куруу жана учурдагы таштанды жайларын рекультивациялоо пландалууда.
Ал эми «Заманбап Чүй» долбоору инфраструктураны өнүктүрүүгө, ошондой эле социалдык сферадагы объектилерди куруу жана калыбына келтирүүгө багытталган 170 иш-чараны камтыйт.
