Ал 1993-жылы Талас облусунун Бакай-Ата районунда жайгашкан Биринчи май айылында жарык дүйнөгө келген. Учурда Толгонай курулуш компанияларынын биринде риелтор болуп иштейт, анда араб жана англис тилдеринде сүйлөшүү жүрөт. Анын кардарларынын арасында арабдар, индустар жана ирандыктар бар.
«Мен Дубайга акча табуу максатында келдим, ошондуктан бир компанияга байланбайм. Ошондой эле моделдер мектебинде бухгалтер болуп иштейм, анткени менин сырткы көрүнүшүм жана фигурам талаптарга жооп берет. Эгер моделдер жетишпесе, мени ошол рольдө иштеш үчүн чакырышат. Жаңы өлкөдөгү биринчи күндөр тил тоскоолдугуна байланыштуу кыйын болду. Мен бул жакка келүүнү пландап жаткан бардык мекендештерге тилди алдын ала үйрөнүүнү катуу сунуштайм. Көпчүлүк Орто Азиядан келип, кызмат көрсөтүү тармагында, мисалы, педикюр, официант же айдоочу болуп гана иш табышат. Бирок, англис тилин билгендери жогорку кызматтан баштоого жана жаңы өлкөгө тезирээк адаптацияланууга мүмкүнчүлүк алышат. Учурда мен үч тилди: кыргыз, орус жана англис тилдерин билем», — деди Толгонай.
Ал ошондой эле Кыргызстан менен Бириккен Араб Эмирликтери арасындагы айырмачылыктар боюнча өз таасирлерин бөлүштү.
«Кыргызстанда таза аба жана керемет табигый пейзаждар бар. Дубайда ысык, бирок ыңгайлуу жашоо үчүн бардык шарттар түзүлгөн жана жогорку айлык акы бар. Экинчи бир жагдай: эгер сиз буюмдарыңызды бир жерге калтырсаңыз, алар ошол жерде калат, анткени эч ким аларды тийбейт. Көчөлөрдө ичкилик ичип жүргөн же үйсүз адамдарды кездештирбейсиз. Мында мыйзам чын эле иштейт», — деп белгиледи Чолпонкулова.
Ал Кыргызстандын Эл аралык университетин бухгалтердик эсеп жана салык салуу боюнча адистик алып аяктаганын айтты.
Толгонайдын жети бир тууганы бар.
«Менин негизги милдетим — кардарларга убакытында жана оптималдуу баада жылжымайтын мүлк сатып алууга же сатууга жардам берүү. Менин компаниям Дубайдын жер департаменти менен тыгыз байланышта болгон ОАЭдеги биринчи компаниялардын бири. Мен бул компанияда элиталык жылжымайтын мүлк боюнча эксперт болуп үч жылдан бери иштеп жатам», — деп кошумчалады ал.
