Ош эл аралык аэропортунда бүгүн мектеп окуучулары арасында республикалык олимпиада жеңүүчүлөрүн жана сыйлыктарын тапшыруу салтанаты болуп өттү.
Шаардык мэриянын маалыматына ылайык, иш-чарада шаар башчысы Жанарбек Акаев, мугалимдер, окуучулар жана алардын ата-энелери катышты.
Акаев сыйлыкка ээ болгон окуучуларды куттуктап, педагогдорго алардын эмгектери үчүн ыраазычылык билдирди. Ал Ош мэриясы билимдүү жаштарды өнүктүрүү үчүн колдоо көрсөтүүнү уланта турганын белгиледи.
Шаар башчысы жаштардын интеллектуалдык жетишкендиктери өлкөнүн келечеги үчүн негиз экенин баса белгиледи. Олимпиаданын жеңүүчүлөрүнүн сүрөттөрү шаардык LED экрандарда алардын жетишкендиктерин популярлаштыруу жана үлгү катары көрсөтүү үчүн жайгаштырылды.
Сыйлык тапшыруу учурунда жеңүүчүлөргө мэрдин резервдик фондунан 1 250 000 сомдук акчалай сыйлыктар тапшырылды.
Быйыл Ош шаарынан республикалык олимпиадага 36 окуучу катышып, алардын 8и сыйлыктарды алышты. Командалык эсепте Ош шаарында Бишкектен кийин экинчи орунду ээлеп, жеңишке жетти.
Эскерте кетсек, республикалык олимпиаданын IV (аяккы) этабы 27-28-мартта Бишкекте өтүп, анда 17 предмет боюнча 322 окуучу катышкан. Соревнованиянын жыйынтыгы боюнча 19 окуучу биринчи орунду, 18 экинчи, 17 үчүнчү орунду ээлешти. ```
