Министрликтин маалымат кызматына ылайык, министр Венадагы музыка жана аткаруучулук искусствосу университетинин ректору Ульрика Сих менен, ошондой эле Австриянын Дүйнөлүк музейинин орун басары Кристиан Шикльгрубер менен жолугушту.
Жолугушууларда тараптар өз ара маданий-гуманитардык кызматташтыкты өнүктүрүү, тажрыйба алмашуу, биргелешкен программаларды жана долбоорлорду ишке ашыруу, ошондой эле жаштарды маданият жана искусство тармагында даярдоо жана окутуу маселелерин талкуулашты.
Маданий ресурстарга жеткиликтүүлүк, музей жана аткаруучулук искусствосун өнүктүрүү, чыгармачыл жаштарды колдоо жана маданий тармакка заманбап технологияларды киргизүүгө өзгөчө көңүл бурулду.
Кыргыз делегациясы австриялык тажрыйбага кызыгуусун билдирип, эки өлкөнүн өкүлдөрүнүн биргелешкен маданий иш-чараларга катышуусун камтыган тереңирээк кызматташууга даяр экендигин билдирди.
