Маданият министрлигинин маалымат кызматынын маалыматына ылайык, бул фестиваль Индия өкмөтүнүн демилгеси менен уюштурулган. Кыргызстандык чыгармачыл жамааттар эл аралык аренада өз өлкөсүнүн маданий элчилери катары чыгышууда.
Фестивалдын программасы кыргыз элинин тарыхы жана руханий мурасын чагылдырган чыгармаларды, улуттук кийимдерди, эски музыкалык аспаптарды жана «Манас» эпосунун интерпретацияларын колдонуу менен көрсөтүүнү камтыйт.
Эскерте кетсек, 2025-жылдын октябрь айында Жалал-Абад облусунун Т. Тыныбеков атындагы филармониясынан «Мөлмөл» элдик музыкалык аспаптар оркестринин 12 музыканты Индияда өткөн IX эл аралык элдик фольклордук аспаптар фестивалына да катышкан.
