Ош облусунун Кара-Суй районунда «Папан» кичи гидроэлектр станциясынын курулушу активдүү уланууда, анын кубаттуулугу 27 МВт болот.
Энергетика министрлиги берген маалыматка ылайык, учурда төмөнкү иштер аткарылды:
- ГЭСтин курулушу үчүн 8 чакырымдык убактылуу жолдун курулушу аяктады;
- Папан суу сактагычында суу кабыл алуучу жайды орнотуу үчүн жер тилкеси бөлүнүп берилди;
- Учурда ГЭСтин имараты жана 110 кВ (ОРУ-110 кВ) жогорку чыңалуу бөлүштүрүүчү түзүлүштү камтыган өндүрүштүк түйүн түзүү үчүн жерлерди бөлүп берүү жана трансформациялоо процесси жүргүзүлүүдө;
- Курулуш учурунда электр энергиясын пайдалануу үчүн техникалык шарттар иштелип чыккан жана макулдашылган;
- Ошондой эле Папан ГЭСин 110 кВ «Узловая – Беш-Мойнок» жогорку чыңалуу электр линиясы менен туташтыруу үчүн электр линиясынын опорлорун орнотуу үчүн жерлерди бөлүп берүү маселелери каралууда.
5-октябрда 2024-жылы Папан ГЭСинин биринчи капсуласын коюу салтанаты болуп өткөндүгүн эске салабыз. ```
