Ал белгилеп өттү: «Чоң суммада алданган жарандардан келген каттар дагы деле келип жатат. Жакында шайлоочулар менен болгон жолугушууда да бул проблема талкууланды, адамдар алты жыл ичинде абалдын өзгөрбөгөнүнө нааразычылык билдиришти. Бул маселени чечүү үчүн эмне кылса болот?» — деп Талиева өкмөт өкүлдөрүнө кайрылды.
2022-жылы Ички иштер министрлиги кооперативдин жетекчилигине жана негиздөөчүлөрүнө карата 209-беренеси «Алдамчылык» жана 210-беренеси «Тапшырылган мүлктү өздөштүрүү же ысыраптоо» боюнча кылмыш ишин козгогон. Маалыматка ылайык, келтирилген зыян 276 миллион сомдон ашты.
2024-жылы Бишкектин Первомай райондук соту компаниянын жетекчилери Акинай Бекмурзаеваны жана Эрмат Абылкасымовду 12 жана 11 жылга эркинен ажыратуу жазасына тартты.
