Маданият министрлигинин маалымат кызматынын билдирүүсүнө ылайык, бул иш-чара «Башка пейзаж. Искусство, тарых, экология» көргөзмөсүнүн алкагында англис тилинде өтөт.
Стефани Дварецкас лекциясында кыргыз искусствосундагы пейзаж жанрын изилдеп, социалисттик реализмдин жергиликтүү экологиялык темалар жана мотивдер менен өз ара байланышын талдайт. Ал маанай, түстүү чечимдер жана орнамент уникалдуу искусство формасын жаратып, бул форма советтик идеалдарга гана эмес, кыргыз идентификациясын бекемдөөгө да жардам бергенин белгиледи.
Бул лекция анын казак жана кыргыз искусствосуна арналган диссертациялык изилдөөсүнүн бөлүгү болуп саналат.
Стефани Р. Дварецкас — «Башка пейзаж. Искусство, тарых, экология» көргөзмөсүнүн со-куратору, Ратгерс университетинин искусствонун тарыхы кафедрасында аспирант жана Циммерли искусство музейиндеги Dodge Avenir программасынын стипендиаты, ал жерде ал Нортон жана Нэнси Доджго таандык Совет Союзунун нонконформисттик искусствосунун коллекциясы менен иштейт. Ал Чикаго институтунун искусствосунун мектебинен тарых, теория жана искусствонун сын-пикири боюнча магистр даражасына ээ, ошондой эле Массачусетс искусств жана дизайн колледжинен көркөм искусстванын бакалавр даражасын алган.
