Прокуратуранын басма сөз кызматынын маалыматына ылайык, визиттин алкагында Ош облусунун прокурорлору, Ош шаарынын прокурору жана Ош гарнизонунун аскер прокурору катышкан оперативдик жыйын өттү, анда кызматтык ишмердүүлүктү көзөмөлдөө маселелери талкууланды.
Жыйында мыйзамдуулукту күчөтүү, коррупцияны жана башка мыйзамсыз аракеттерди алдын алуу, ошондой эле кызматтык этика нормаларын катуу сактоону камсыздоо боюнча сунуштар берилди.
Мындан тышкары, М. Асаналиев сапарынын жүрүшүндө Ош облусунун прокуратурасынын имаратынын капиталдык оңдоп-түзөө иштеринин кандай жүрүп жатканын жеке текшерди.
