Ички иштер министринин орун басары Октябрь Урмамбетов учурда тынчтык мыйзамын сактоону контролдоо саламаттыкты сактоо министрлигинин оорулардын алдын алуу жана мамлекеттик санитардык-эпидемиологиялык көзөмөл департаментине жүктөлгөнүн, бирок анын ресурстары чектелүү экенин билдирди. Мындан тышкары, көпчүлүк арыздар түнкү убакта келип түшөт, бул кошумча кыйынчылыктарды жаратат.
Ошондуктан ИИМ мыйзам бузууну каттоо функцияларын ички иштер органдарына жана жергиликтүү өз алдынча башкаруу органдарына өткөрүүнү сунуштайт. "Эми ички иштер органдары чакырууларга чыгып, мыйзам бузууларды каттап, протоколдорду түзө алышат. Ошондой эле айыл өкмөтүнө, үй комитеттерине жана кварталдык комитеттерге полномочия берүү пландалууда. Эгер коңшулардан арыз келип түшсө, алар мыйзам бузуу тууралуу акт түзүп, ага фото- жана видеофайлдарды тиркеп, андан кийин бизге арызды кароого жөнөтө алышат", - деп түшүндүрдү орун басар министр.
Талкуудан кийин депутаттар мыйзам долбоорун колдоп чыгышты.
