Архитектуралык-курулуш контролдоо департаментинин директору Эрназарбек Суеркуловдун жетекчилиги астында комиссиянын мүчөлөрү курулуш иштеринин учурдагы абалын, долбоордук-сметалык документациянын ылайыктыгын, керектүү уруксаттардын болушун, курулуш аянтчаларындагы жумушчулардын санын, ошондой эле компаниянын уставдык капиталынын өлчөмүн жана үлүшчүлөрдүн кайрылууларын баалашты.
Комиссиянын маалыматына ылайык, объектилердеги иштер уланууда. "Элит-Строй-Сити" өкүлдөрү курулушту аяктап, объектилерди 2026-жылдын сентябрына чейин тапшыруу боюнча өз милдеттенмелерин растады.
Ошондой эле министрдин тапшырмасы боюнча, аталган объектилердеги курулуш туруктуу көзөмөлдө болот деп белгиленди.
