Песков деталдарга терең кирбеген, «жария түрдө нюанстарды талкуулоо сүйлөшүү процессине гана зыян келтирет» деп белгилеген, деп маалымдайт РИА Новости.
Украинанын лидери Владимир Зеленский мурда 1-февралга пландалган сүйлөшүүлөр тууралуу да айтып өткөн.
«Биз жекшемби күнү командалардын жолугушуусун өткөрүү мүмкүнчүлүгүн алдын ала талкуулаганбыз. Эгер жолугушууну тездетүүгө жетишсек, бул абдан жакшы болот. Украина бардык маанилүү маселелерди талкуулоого жана макулдашууга даяр», — деди ал 26-январдагы кечки кайрылуусунда.
Америка Кошмо Штаттары, Россия жана Украина катышкан үч тараптуу талкуулардын биринчи раунду 23 жана 24-январда Абу-Дабида өттү. Бардык тараптар жолугушуунун позитивдүү жана конструктивдүү мүнөзүн белгилешти.
