Эл аралык байланыштар министрлиги буга чейин үч тараптуу сүйлөшүүлөрдүн башталганын билдирген. Ведомство 23 жана 24-январда жолугушуулар пландалганын тактаган.
DW басылмасы ТАССка шилтеме берип, сүйлөшүүлөр катуу жабык режимде өтүп жатканын маалымдады: жолугушуунун жери сыр бойдон калууда жана медиа өкүлдөрүнүн катышуусу каралган эмес. Агенттиктин бир булагы мындай тартип сакталууда экенин, ири мейманканаларда сүйлөшүүлөр тууралуу эч кандай маалымат жок экенин, ошондой эле мейманканалар жана президенттик сарайдын айланасында күчөтүлгөн патрулдук кызматтын жоктугун билдирген.
Украинанын президенти Владимир Зеленский бейшемби күнү бул жолугушууну анонсирлеп, согуштук аракеттерди токтотуу боюнча натыйжалуу болушуна үмүт арткан.
Давос шаарындагы Дүйнөлүк экономикалык форумда АКШнын президенти Дональд Трамп Владимир Путин менен Зеленскийдин конфликтти жөнгө салуу боюнча келишимге жетүүгө даяр экенин билдирди.
Axios порталы булактарына таянып, үч тараптуу коопсуздук жумушчу тобунун күн тартибиндеги негизги маселелердин бири аймактык маселелер болорун маалымдаган.
