Жасалма сертификаттарды колдонгон же сатып алуучуларды башкача алдаган өндүрүүчүлөр жазага тартылат.
Экономика жана соода министринин орун басары Султан Ахматов депутаттарга жаңы эрежелер халал товарлар жана кызматтар рыногун тартипке келтирүүгө жардам берерин түшүндүрдү.
Комитеттин мүчөлөрү халал сертификатына ээ товарлар үчүн базарларда атайын жайларды бөлүп берүү жана көзөмөлдү күчөтүү зарылдыгын колдошту.
Халал продукциясы жана кызматтарынын стандарттарына ылайыктыгын текшерүү менен байланышкан мыйзам бузуулар үчүн юридикалык жактарга 13 миң сом өлчөмүндө айып пул салуу сунушталууда. Саламаттыкты сактоо тармагындагы ыйгарым укуктуу орган бул чөйрөдөгү мыйзам бузуулар боюнча иштерди карайт.
Мындан тышкары, комитет кыйноолорго каршы күрөшүү боюнча Кылмыш-жаза кодексине өзгөртүүлөрдү бекитти. 137-берененин жаңы версиясы эми БУУнун эл аралык стандарттарына жооп берет жана мамлекеттик функцияларды аткарган жарандар үчүн гана эмес, кызмат адамдары үчүн да жоопкерчиликти белгилейт.
