Жолугушуу учурунда Жээнбек Кулубаев президент Штайнмайерге Кыргызстандын президенти Садыр Жапаровдун саламын жана эң жакшы каалоолорун тапшырды. Ал 2023 жана 2024-жылдары болгон жогорку деңгээлдеги визиттердин маанилүүлүгүн белгилеп, бул визиттер Кыргызстандын Германия менен кызматташтыгын тереңдетүүгө түрткү болгонун айтты. Кыргыз тарап соода, экономика, инвестициялар жана маданий алмашуу тармактарында өнөктөштүктү өнүктүрүүгө кызыкдар экенин билдирди.
Франк-Вальтер Штайнмайер, өз кезегинде, региондогу туруктуулукту жана коопсуздукту камсыздоодо оң динамиканы белгилеп, Борбордук Азиянын энергетикалык, соода жана транспорттук-транзиттик потенциалын баса белгиледи. Германиянын президенти бул өлкөлөр менен кызматташтыкты өнүктүрүүгө даяр экенин айтып, Кыргызстандын тоолуу аймактарына болгон визитин эске алып, муздардын эриши жана климаттын өзгөрүшү боюнча биргелешкен аракеттердин зарылдыгына көңүл бурду.
