Байсаловдун айтымында, жаңы министрликтин түзүлүшү өлкөдөгү жогорку билим берүү жана илимди терең модернизациялоого багытталган.
Ал белгиледи: «Илим министрлигине так милдет коюлган – университеттерди таланттарды тартуу борборлору жана заманбап билимдердин булактары кылып, өлкөнүн он жылдык өнүгүүсүнүн негизги локомотивдери кылуу».
Президенттин бир нече жогорку окуу жайларына өзгөчө статус берүү боюнча жарлыгын ишке ашыруу темасына токтолуп, Байсалов натыйжалардын ар түрдүү экенин баса белгиледи.
«Кээ бир мекемелер берилген мүмкүнчүлүктөрдү пайдаланып, байкалаарлык жетишкендиктерди көрсөтүштү. Бирок, дагы деле түшүндүрмөлөрдү жана чечимдерди күтүп жаткан мекемелер да бар. Күтүү убактысы аяктады», — деп кошумчалады ал.
Илим, жогорку билим берүү жана инновациялар министрлигинин коллегиясынын жыйынынын натыйжасында илимий-билим берүү тармагын өнүктүрүү үчүн негизги багыттар аныкталды. Министрликте конкреттүү тапшырмалардын тизмеси түзүлүп, тапшырмалар бөлүштүрүлдү, ал эми бардык чечимдердин аткарылышы өзгөчө көзөмөлдө болот.
