Бул өзгөртүүлөр медициналык товарларды сатып алуу жана жеткирүү процессин оптималдаштырууга багытталган.
Жаңыланган тартипте өз ара аракеттенүү механизмдерине байланыштуу тактоолор каралган. Атап айтканда, эми Мажбурдуу медициналык камсыздандыруу фонду да бул процессине катышат. Бул финансылык маселелер, төлөмдөр жана контракттарды аткарууну көзөмөлдөө боюнча маселелер Саламаттык сактоо министрлиги, ММКФ жана «Кыргызфармация» мамлекеттик ишканасы тарабынан биргелешип чечилет дегенди билдирет.
Мындан тышкары, «Кыргызфармация» эми милдеттүү:
- контракттын шарттарына ылайык келбеген же кемчиликтерди аныктоо учурунда дары-дармек жана медициналык буюмдардын кайтарылышын жана алмаштырылышын уюштуруу;
- контракттар боюнча кечиктирилген же толук эмес жеткирүүлөрдүн тобокелдиктерин азайтуу үчүн чараларды көрүү, анын ичинде кепилдик механизмдерин жана санкцияларды колдонуу.
Ошондой эле «Кыргызфармациянын» Саламаттык сактоо министрлигинен, ММКФдан жана медициналык мекемелерден контракттар боюнча убагында жана толук төлөмдөрдү алуу укугу белгиленди.
Аванс төлөмдөрдүн суммасы республикалык бюджеттен жана Социалдык фонддун ресурстарынан келип түшкөн каражаттарга жараша контракттын жалпы суммасының 100 пайызын түзүшү мүмкүн.
Жаңы токтом бир жумадан кийин күчүнө кирет.
