Указды президент Садыр Жапаров кол койду
Мамлекеттик саясатта гендердик тең салмактуулукту түзүү максатында, президент Садыр Жапаров бир катар учурдагы указдарга өзгөртүүлөрдү киргизүү тууралуу указды бекитти.
Бул документке ылайык, саясий жана муниципалдык кызматтар үчүн кадр резервдерин түзүүдө төмөнкү демилгелерди ишке ашыруу пландалууда:
– квоталоо системасын ишке ашыруу — кадр резервинин курамында бир жыныстын өкүлдөрүнүн саны 70 пайыздан ашпашы керек
– гендердик тең салмактуулукту камсыздоо — кадр резервине тандоодо жетишсиз өкүлчүлүккө ээ жыныстагы талапкерлерге артыкчылык берүү
– мамлекеттик жана муниципалдык кызматта аял-лидерлер үчүн кесиптик өсүү мүмкүнчүлүктөрүн түзүү жана башкаруучу кызматтарга тең мүмкүнчүлүктөрдү камсыздоо, ошондой эле салттуу гендердик стереотиптерден улам пайда болгон тоскоолдуктарды жоюу.
Указга ылайык, 2027-жылдын аягына чейин башкаруучу кадр резервине киргизилген талапкерлердин арасында аялдардын үлүшү 30 пайыздан кем болбошу керек.
Мындан тышкары, мамлекеттик жана муниципалдык органдарда жетекчилик кызматтардагы аялдардын үлүшү 20 пайызга жетиши керек, ал эми 2030-жылга чейин бул көрсөткүчтү 30 пайызга чейин жогорулатуу пландалууда.
Бул указ кол коюлган күндөн он күн өткөндөн кийин күчүнө кирет.
сүрөт www
