Премьер-министрдин биринчи орун басары Данияр Амангельдиев техниканы Таласта президенттин ыйгарым укуктуу өкүлү Эрмат Джумаевге тапшырды.
Алынган техникалардын арасында таштанды ташуучу, жүк ташуучу унаалар, жол тазалоочу машиналар, бийиктикте иштөө үчүн телескоптук көтөргүчтөр, экскаваторлор, асфальт төгүүчү жана бетон аралаштыргычтар бар. Бул машиналар Талас шаарынын мэриясы менен Айтматов, Манас жана Бакай-Ата райондорунун мамлекеттик администрацияларына бөлүштүрүлөт.
Данияр Амангельдиев Талас облусуна жумушчу сапар менен барып, ошондой эле коллегиянын жыйынына катышты. Сапар учурунда ал быйыл Таласта өтө турган Кыргыз Республикасынын көз карандысыздыгынын 35 жылдыгын белгилөөгө даярдык менен таанышып чыкты.
