2025-жылы жер мыйзамдарын сактоону көзөмөлдөө тармагында 3 277 мыйзам бузуулар катталган. Жумуштун жыйынтыгы боюнча 1 218 прокурордук реакция актылары, 103 кылмыш иши ачылып, 516 доо арыз сотко берилген.
Кабыл алынган чаралардын натыйжасында 3 миллиард 666 миллион сомдук зыяндын ордун толтуруп, 1 356,1 гектар жерди мамлекеттик менчикке кайтарууга жетишилди. Мындан тышкары, 156 кызмат адамы дисциплинардык жана административдик жоопкерчиликке тартылды.
Башкы прокурор ошондой эле жер маселелери боюнча республикалык масштабдагы олуттуу көйгөйлөрдүн бар экенин баса белгиледи.
«Агроөнөр жай жерлеринде курулган турак үйлөрдү легалдаштыруу 2022-жылы башталган, бирок жер амнистиясы боюнча жергиликтүү комиссиялар тарабынан процесс узартылып жатат. Бул көйгөйлөрдү чечүү үчүн президент тарабынан Башкы прокуратуранын жетекчилиги астында мамлекеттик комиссия түзүлгөн, ал 2026-жылга чейин жер амнистиясына байланыштуу бардык маселелерди чечүүнү пландап жатат», — деп кошумчалады ал.
