Мындай мыйзам бузууларды жоюу жана алдын алуу үчүн 12 миңден ашык прокурордук реакция актылары сунушталды. Алардын арасында — 570 кылмыш иши жана сотко берилген 771 доо арыз бар.
Бул актыларды карап чыккан соң, мамлекеттик казынага 34 миллиард 827 миллион сомдон ашык каражат кайтарылды, анын ичинен 1 миллиард 243 миллион сом акча түрүндө, ал эми 33 миллиард 584 миллион сом товардык эквивалентте кайтарылды.
Башкы прокурор ошондой эле 6 миң 932 кызматкер дисциплинардык жоопкерчиликке тартылганын белгиледи. Мындан тышкары, 3 миң 227 кызмат адамдары укук бузуулар кодексине ылайык жоопкерчиликке тартылып, мамлекетке 16 миллион сомдон ашык айып пул төлөшкөн.
Мыйзам бузуулар бардык мамлекеттик жана муниципалдык органдарда катталганына карабастан, алардын эң көп саны министрликтердин жана ведомстволордун аймактык бөлүмдөрүндө, ошондой эле жергиликтүү өз алдынча башкаруу органдарында жана укук коргоо органдарында байкалган.
