Узбекистан президентинин маалымат кызматынын сүрөтү
Курбановдун айтымында, улуттук коопсуздук үчүн эң олуттуу чакырыктардан бири интернет аркылуу деструктивдүү идеялардын тез жайылышы болуп калды. «Социалдык тармактар, айрыкча, мындай идеяларды жайылтуунун негизги булагына айланды, бул өлкөдөгү диний абалга терс таасир этүүдө», — деди ал.
Мындан тышкары, эл аралык терроризм, наркотрафик, мыйзамсыз курал жүгүртүү жана товарларды чекарадан өткөрүү сыяктуу салттуу трансчек ара коркунучтары да сакталууда.
Бул коркунучтар менен күрөшүү үчүн чекараларды техникалык жактан бекемдөө боюнча олуттуу чаралар көрүлүүдө. Тажикстан жана Түркмөнстан менен чекарада 453 километр коргоочу тосмолор курулуп, 287 километр чекара жолдору тартылып, 44 заманбап электрондук сигнализация комплекси орнотулду. Мамлекеттик коопсуздук кызматтын төрагасынын айтымында, бул аракеттердин натыйжасында чекара бузуу учурлары 1,5 эсе кыскарган.
