Региондук ИИБнин УОБДДсынан берилген маалыматка ылайык, унааны башкаруу учурунда айдоочулук күбөлүгүнүн жоктугу мыйзамды бузуп, жол кыймылынын коопсуздугуна олуттуу коркунуч туудурат. Бул аварияларга алып келип, айдоочуларга жана жөө адамдарга зыян келтириши мүмкүн.
Жүргүзүлгөн иш-чаралардын натыйжасында тобокелдүү маневрлерди жасаган айдоочу аныкталды. Ага карата чаралар көрүлүп, 30 миң сом өлчөмүндө айып пул дайындалды жана анын унаасы айып токтотуучу жайга коюлду.
Талас облусунда жолдордун коопсуздугун жогорулатуу максатында ушундай мыйзам бузууларды аныктоо боюнча текшерүүлөр улантылары белгиленди.
