Укук коргоо органдарынын маалыматына ылайык, эркек киши Facebook баракчасында Turkiston-kg аккаунтунан алынган публикацияны жайгаштырган. Соттук лингвистикалык жана дин таануучу экспертиза жарыяланган материалдардын 2003-жылы Кыргызстанда тыюу салынган «Хизб-ут Тахрир аль-Ислами» диний экстремисттик уюмуна байланыштуу экенин аныктаган.
УВДнын сүрөтү
Эркек кишиге «Экстремисттик материалдарды даярдоо жана таратуу» беренеси боюнча кылмыш иши козголду. Каракол шаардык соту шектүүнү бир айга камакка алуу чечимин кабыл алды.
Учурда тергөө иш-чаралары улантылууда.
