Берилген маалыматка ылайык, 30-январда Сузак РОВДсынын кызматкерлери райондун аймагында бир жаран мыйзамсыз наркотикалык заттарды сактап жаткандыгы тууралуу маалымат алышкан.
Бул маалыматтын негизинде Сузак РОВДсынын тергөө кызматы 283-беренеси боюнча кылмыштардын Бирдиктүү реестрине иш каттап, «Наркотикалык каражаттарды, психотроптук заттарды жана алардын аналогдорун мыйзамсыз даярдоо, сатуу максатында эмес» деген беренеге ылайык иш ачты.
Тергөө натыйжасында 1979-жылы туулган жергиликтүү тургун Р.М. кармалып, анын колунда 1 килограмм 543 грамм марихуана табылган.
Сузак районунун сот органдары аны эки айга камакка алуу чечимин кабыл алышты.
