Бул операциянын алкагында шаар боюнча жаштар арасында популярдуу эс алуу жайларында жана түнкү клубдарда текшерүүлөр жүргүзүлүүдө.
Иш-чарага Бишкек Ички иштер башкармалыгынын СБНОН кызматкерлери, атайын даярдыктагы жоокерлер, райондук ички иштер башкармалыктарынын кызматкерлери, ошондой эле наркотиктерди издөөгө атайын окутулган иттер катышууда.
Учурдагы операциянын жүрүшүндө «Вегас» түнкү клубу жана «Телепорт» диско-бары сыяктуу жайлар текшерилди.
Бул профилактикалык иш-чаралар туруктуу негизде улантылат. Алардын негизги максаты - мыйзамсыз наркотик жүгүртүүнүн жана психотроптук заттардын алдын алуу жана күрөшүү, ошондой эле Бишкекте коомдук коопсуздукту жана укук тартибин камсыздоо.
Бишкек Ички иштер башкармалыгы жарандарды наркотиктер менен мыйзамсыз иш-аракеттер, алардын сакталган же таралган жерлери, ошондой эле притондордун иши тууралуу маалымат берүүгө 102 телефону аркылуу чакырат. Бардык кайрылуулар анонимдүүлүк менен камсыздалат.
