«Эгер сиз жөн гана картаңызды өткөрүп берсеңиз, акча которууга жардам берсеңиз же аккаунтуңузга кирүүгө мүмкүнчүлүк берсеңиз, сиз дагы кылмышка катышкандыгыңыз үчүн кылмыш жоопкерчилигин тартасыз», - деп эскертти Ички иштер министрлиги. Алар мошенниктер мессенджерлерди жана социалдык тармактарды дроппелерди жалдоо үчүн активдүү колдонуп жатканын, «аз эмгек менен жеңил киреше» убада кылып жатканын кошумчалашты.
Ички иштер министрлиги тарткан видеодо жаштар өзүнүн банк карталарын 1000ден 3000 сомго чейин сатуу тууралуу айтып беришти.
Дропперство - бул уурдалган каражаттарды «жууган» жана акчаны накталай кылуу менен байланышкан алдамчылык схемаларына катышууну билдирет. Дроппелер (же дроптор) - бул сыйлык үчүн башкалардан уурдалган акчаларды өз карталарына которгон, алган же накталай кылган адамдар. Бул иш-аракет мыйзамсыз болуп, Кыргыз Республикасынын Кылмыш-жаза кодексинин 209-беренесине («Алдамчылык») ылайык кылмыш жоопкерчилигин жаратат.
