Чүй облусунда Аламудун районунда жайгашкан Таш-Добо айылында жер тилкесин мыйзамсыз бөлүп берүү фактысы катталды. Бул тууралуу Кыргыз Республикасынын Улуттук коопсуздук мамлекеттик комитетинин маалымат кызматынан билдиришти.
Маалыматка ылайык, Таш-Добон айыл өкмөтүнүн бир катар мурдагы кызмат адамдары, келишим түзүп, 1,01 га жер тилкесин «Сейил» аймагында жайгашкан Р.Э.Р.ге мыйзамсыз өткөрүп беришкен.
Бул фактылар боюнча Кыргыз Республикасынын Кылмыш-жаза кодексинин 337-беренесинин 3-бөлүмү боюнча кылмыш иши козголду жана тергөө учурунда Н.А.К. кармалды.
Учурда бул ишке тиешеси бар башка адамдарды аныктоо боюнча тергөө-оперативдик иш-чаралар улантылууда.
