Патенттер жана финансылык каражаттар боюнча алдамчылыкка шектелген адам кармалды
Ленин районундагы УГНСтин акциздик товарларды контролдоо бөлүмүндө иштеген улук инспектор Ш.У.У. Бишкекте кармалды. Бул тууралуу Улуттук коопсуздук мамлекеттик комитетинин (УКМК) маалымат борбору билдирди.
Комитеттин маалыматына ылайык, ага коррупция жана кызматтык ыйгарым укуктарынан кыянаттык менен пайдалануу боюнча айыптар коюлган. Шектүү коммерциялык ишмердүүлүк жүргүзүү үчүн патенттерди алуу боюнча бир нече бухгалтердик компанияларга "консультациялык кызматтарды" көрсөтүп келген. 2024-жылдын башынан бери ал өз кызматтары үчүн 600 миң сомдон ашык акча тапкан.
Бирок, тергөө версиясына ылайык, ал чындыгында катталбаган жасалма патенттерди берип, алынган акчаларды өзүнө ыйгарып алган.
Тергелип жаткан кылмыш ишинин алкагында Ш.У.У. УКМКнын жазаларды аткаруу кызматынын убактылуу кармоо жайына жайгаштырылды.
Сүрөт www
