Бүгүн Ала-Бука - Жаны-Базар - Кировка автожолунда, 93төн 101 кмге чейинки участоктордо, беш жерден кар көчкү түшкөн.
Транспорт жана байланыш министрлиги берген маалыматка ылайык, учурда кар массасынын саны такталууда. Жолду тазалоо иштерин жүргүзүү үчүн төрт жүк көтөргүч келип, учурда өтүү жолун калыбына келтирүү иштери жүргүзүлүүдө.
Абанын начарлашына байланыштуу, Чаткал райондук мамлекеттик администрациясынын буйругу менен, бул автожолдо бардык транспорт каражаттарынын кыймылына убактылуу чектөө киргизилди, аба ырайы стабилдешкенге чейин, - деп билдиришти ведомстводон.
