Маалыматка ылайык, 2025-жылдын 29-октябры күнү Жайыл районунун Ички иштер бөлүмүнүн кызматкерлери жана "Калининское межрайонное общество охотников и рыболовов" коомдук бирикмесинин активисттери тарабынан өткөрүлгөн биргелешкен рейддердин жүрүшүндө браконьерлик менен алектенген адамдар аныкталган. Кармалгандардын колунан уруксат кагаздары жок ок атуучу мылтыктар алынган.
Курал соттук-баллистикалык экспертизага жөнөтүлгөн, ал алынган карабиндердин нарезной ок атуучу курал экенин, тактап айтканда, ТОЗ-16 жана ТОЗ-8 үлгүсүндөгү бир заряддуу аңчылык карабиндери экенин тастыктады.
Бул окуя боюнча Кыргыз Республикасынын Кылмыш кодексинин 267-беренеси боюнча кылмыш иши козголду, ал курал жана ок-дарыларды мыйзамсыз жүгүртүү менен байланыштуу.
2026-жылдын 16-февралында, Кыргыз Республикасынын Кылмыш процессуалдык кодексинин 96-беренесине ылайык, 1988-жылы туулган М.М. жана К.Р. аттуу эркектер кармалды. Учурда алар убактылуу кармоо жайында.
Териштирүү уланууда.
