Окуя 7-январда болуп өттү, ошол күнү Москва районунун ИИБине Ак-Суу айылында муштумдан жабыркаган эркек киши тууралуу ооруканадан маалымат келип түштү. Окуя болгон жерге тергөө-оперативдик топ жөнөтүлдү, анда жабыркаган адам көршүсү тарабынан сабалганын айтты. Анын айтымында, 4-январда ал көршүсүн конокко чакырып, алкоголь ичимдиктерин бирге ичип жатканда ортосунда конфликт пайда болуп, ал акыры мушташка айланган.
Бул окуя Кыргыз Республикасынын Кылмыш кодексинин 130-беренесине («Ден соолукка оор зыян келтирүү») ылайык катталганын белгилеп кетели.
Укук коргоо органдары 1981-жылы туулган А.Ю. аттуу шектүүнү кармап, убактылуу кармоо жайына жайгаштырды.
Учурда тергөө уланууда.
