Ички иштер министрлиги билдиргендей, К. Э. аттуу жаран укук коргоо органдарына кайрылып, аз тааныш аялдар анын акчасын алдамчылык жолу менен алып кеткенин айтты.
Бул окуя боюнча Кылмыш кодексинин 209-беренеси "Өтө чоң өлчөмдөгү алдамчылык" боюнча кылмыш иши ачылды.Текшерүү учурунда шектүүлөрдүн бири А. Р. экендиги аныкталды. Ал 1984-жылы туулган жана Чүй облусунда жашайт. 2008-жылдан бери адвокаттык практика менен алектенип, Чүй облусунун Адвокатурасынын мүчөсү болуп саналат. Мындан тышкары, тергөө иштери ал мурда башка жарандарды да алдап, алардын акча каражаттарын алып кеткенин көрсөттү, деп белгилешет Ички иштер министрлигинде.
А. Р. кармалып, Бишкек шаардык ички иштер башкармалыгынын убактылуу кармоо жайына жайгаштырылды.
