Милициянын маалыматына ылайык, 2025-жылдын 20-декабрында С. М. аттуу жаран бөлүмгө кайрылып, 2025-жылдын 2-ноябрында А. аттуу аз таныш адам келип, анын ишенимин утуп, 102 500 сомго сиыр сатып алганын, бирок төлөмдү жасабаганын айтты. Сатуудан кийин шектүү телефонун өчүрүп, жок болуп кеткен.
Бул факт боюнча Кыргыз Республикасынын Кылмыш кодексинин 209-беренеси "Алдамчылык" боюнча кылмыш иши катталган.
Тергөө учурунда бул адам Сокулук районундагы бештен ашык окшош кылмыштарга тиешеси болушу мүмкүн экени аныкталды. Учурда анын Чүй облусунда жана Бишкекте башка окшош иштер менен байланыштары текшерилүүдө.
Тергөө уланууда.
