Алмаз Батырбаев белгилегендей, ар бир облуста жарандарды коргоо үчүн 24 саат бою мониторинг жүргүзгөн кырдаалдык борборлор иштеп жатат.
«Мамлекет боюнча коомдук жайларда 3 миңден ашык видеокамера орнотулган. Ар бир укук бузуулар катталып, андан ары мыйзамга ылайык аракеттер үчүн райондук ички иштер органдарына өткөрүлөт», — деп түшүндүрдү ал.
«Коопсуз өлкө» долбоорунун экинчи этабында 2026-жылы 20 миң жаңы видеокамера орнотуу пландалууда.
«Бул иштер этап-этабы менен жүргүзүлөт. Алгач адистер кылмыштардын эң көп болгон жерлерин анализдешет. Мындан тышкары, видеокөзөмөлдү орнотуу үчүн инфраструктура керек — 24 сааттык электр энергиясы, интернет байланышы жана башкалар. Камералар бир нече түргө бөлүнөт: кээ бирлери 360 градуска айланса, кээ бирлери туруктуу болуп, бир тарапка багытталган», — деп кошумчалады Батырбаев.
