Жаңы сезондун биринчи туру боюнча мелдештер 7-февралдан 13-февралга чейин Бишкектеги Кожомкул атындагы Спорт сарайында өтүп, анда 8 команда катышты.
Биринчи турдун матчтарынын форматы бардык командалардын ортосундагы айланма беттештерди камтыды.
«Бек» 7 ойногон матчтын 6сында жеңишке жетип, 13 упай менен турниринин таблицасында биринчи орунду ээледи. Бишкектеги ИИМдин командасы да 13 упайга ээ, бирок кошумча көрсөткүчтөр боюнча лидерге жол берди.
Үчүнчү орунда учурдагы чемпион «Кара-Суу» жайгашкан.
Мелдештердин экинчи туру март айына белгиленген.
Биринчи турдун жыйынтыктары: командалардын учурдагы абалы
1. «Бек Жалал-Абад» — 13 упай (18-3)
2. ИИМ — 13 упай (19-6)
3. «Кара-Суу» — 12 упай (17-10)
4. СКА МО КР — 11 упай (14-10)
5. «Сары-Өзөн» — 11 упай (12-13)
6. «Салам-Алик» — 9 упай (7-16)
7. «Буудан» — 8 упай (7-19)
8. «Ош» — 7 упай (4-21)
