17-февралда Кыргызстандын күрөш федерациясынын өкүлдөрү катышкан жумушчу жыйын өттү, аны Мамлекеттик физкультура жана спорт агенттигинин директору Казыбек Молдажиев уюштурган.
Жыйындын алкагында келе жаткан турнирдын негизги уюштуруу аспектилери талкууланды.
«Жыйындын катышуучулары спорттук инфраструктураны даярдоо планы, командаларды жайгаштыруу жана логистика маселелери, катышуучулар жана массалык маалымат каражаттарынын өкүлдөрү үчүн аккредитация, ошондой эле коопсуздук, медициналык тейлөө жана коноктор менен расмий делегациялар үчүн маданий программа боюнча маанилүү темаларды карашты», - деп билдирет пресс-кызмат.
