Ак-Тал айылынын башчысы Дастан Иманбековдун айтымында, бул иш-чара 1990-жылы төрөлгөн жаштар тарабынан уюштурулган. Турнир үч категорияда өттү:
40 жашка чейинки эркектер;
40 жаштан жогорку эркектер;
аялдар жана кыздар.
Турнирдин жалпы сыйлык фонду 50 миң сомду түздү. Жеңүүчүлөр үчүн кубоктор, медалдар жана башка сыйлыктар даярдалган. Бул мелдештер жаңыча эмес — жыл сайын ар кандай муундардын демилгеси менен өткөрүлүп келет. Кийинки турнири 1991-жылы төрөлгөн жигиттерге тапшырылды.
Турнирдин негизги максаты — тургундарды бириктирүү, айылда спортту өнүктүрүү, жаштарды спорттук иш-чараларга тартуу жана спорт менен алектенүү аркылуу терс жүрүм-турумду алдын алуу.
40 жашка чейинки эркектер арасында турниринин жыйынтыктары:
1-орун — Аэропорт кварталынын командасы
2-орун — Ала-Тоо кварталы
3-орун — Кампа кварталы.
40 жаштан жогорку эркектер арасында жеңүүчүлөр:
1-орун — Төмөнкү квартал
2-орун — 1986-жылы төрөлгөн жигиттердин командасы
3-орун — 1974-жылы төрөлгөн жигиттердин командасы.
Аялдар категориясындагы сыйлык алган орундар:
1-орун — Аскар Турдакунов атындагы орто мектептин командасы
2-орун — Төмөнкү айыл кварталы
3-орун — Рахат Алыбаев атындагы бала бакчанын командасы.
Жеңүүчүлөргө кубоктор, медалдар, грамоталар жана акчалай сыйлыктар тапшырылды.
